scho guet.. ;)

heii du..
keis problem knuffel.. :)
<3

sorry!!

heiiii! 
sorry ich bin ersch vor ere halbstund dihei acho... 
ich chan jezz leider nümm zvill schriibe!
ich han meeegaaaaaa vill stress in letschter ziit -.-
ich hoffe ich han morn ziit zum schriibe!
lieb dich pfupfii
<3<3

hudiihuu

heii.. ;)
han mich gfreut über diin post nd ich bin jetzt au mal wieder da.. :)

hoff dir gahts guet bim gschicht lerne.. d oertle het mir grad gschriebe dass s gäld ahcho isch.. wuhuu chan ich beruhigt go schlafe.. haha aber vorher muess ich na germanys next topmodel go luege.. aso müesse ich machs ja freiwillig.. d englisch ufzgii dörf ich aber vorher nöd vergesse..

momentan isch grad so en maa vom toptip da.. wil mir hend am samstiig en tisch gkauft nd de isch irgendwie nöd so wie er sie söt.. aso er isch nöd zemekracht während em esse abr ja.. nd de ma isch mega gross.. apropos gross de flo isch bim arzt gsii will er immer so viel chopfweh het nd denn het sie au grad susch na gluege ob er gsund isch nd so nd denn het sie gseit dass er 1.90 meter gross wird.. denn han ich nöd nume so en riis als papii sondern au na en riis als brüeder.. haha nei isch ja eh cool wenn me so grossii lüt zum umarme het.. ;)) ja und usserdem isch s mer lieber dass er so gross wird wie wenn er en mini bliibe wür.. als männliches wesen isch das denn sush mega scheisse..
ja ehm mis mamii wird eidütiig die chlischt sii vo eusere familie.. ;)

ich glaub de mah gaht jetzt denn.. mal luege..

hesch du eigentlich skype?? han ebe au nd wenn du au hettisch denn chönted mir so cool videophoniere.. :)

de tanz in turne wo mir hend isch also au ganz tooll.. haha es wär mer chlii peinlich wenn me de müsstii vortanze oder soo aber so im turne machts eigentlich ja eh no spass.. ;)

was hend ihr für e gschichtsexcursion gha?? han ich irgendwie nöd mitbechoo.. haha de armii timon..

de ma isch weg. :)

ja ich verstahn wenn du dich ufregsch über d neyer.. han sie au nöd so gern nd ich weiss au wie das isch wenn me sich über e lehrerin uufrege muen.. ;)
het sie eigentlich scho wieder en churztescht gmacht oder hesch de ander scho zruggbechoo?? als mathiilehrerin het ich sie au nöd gern.. da beniid ich diich würkliich nöd.. aber ich liebe diich doch.. glaubsch eifach immer i mathii a mich nd denn gsehts scho wieder besser uus.. ;) nee war en scherz..

ich han mer hüt vorgnoh während em fernseh luege mini füessliinegelii ahzmale.. die gsehn scho ganz schlimm us. vlt chömed mini finernegel au na dra..

so s mamii het mir grad verzellt dass de komisch mah sie fascht umbracht het..

ich muess denn mal gah..
knutsch liebdiich
sara.. <3

sorry :(((

huhu
es tut mer leid schazzi.... :SSS
jezz schribi!
ich han aber wüklii kei ahnig was ich schribe sett!
ich schriib jezz eifach irgendeppis!!
am fritig dümmer in gschicht kaffe und kuchen esse! haha will de timon ia de zug bi de gschichtsexkursion verpasst hett muen er jezz chueche bringe :)) hahaha 
ich freu mich jezz scho!
ich hasse d neyer!!!!!! die isch sooooo e dummi dummi chue... sorry aber es chan doch ned sii dass de schnitt vonere mn klass en 3.6 in mathi isch!!! oder?!
das chan doch ned nur a de schüeler ligge... aber die frau gseht das ned iih! die chan eifach ned unterrichte!
mir hend hüt bi de widmer über sie abglästeret :)) hahaha

ich han vorher grad mini negel lackiert... han eppis neus usprobiert hahaha es isch chli lustig usechoo :D
hüt hani zum erste mal d lea und de beni zeme gse aso halt zeme (küssend)... sie passed scho igendswie ned zeme aber igendswie isch es au herzig... ich weiss ned wieso aber dete wo ich sie gseh han hanis igendswie herzig gfunde...

ich lose grad drive by vo train. kensch das? das ishc voll cool ich han ned gwüsst wies heisst aber ich has kennt.... hahha aso eigentlich nur eppe 4 sätz devo aber ich has kennt!

mir hend ia am dunnschtig immer zwüsche stund denn wenn d buebe sport hend.... jezz fallt das bi ihne uus jezz hemmer igendswie eifach wr.... ich cheks voll ned!!!! o.O

es isch grad werbig, bin ebe am new girl luege.... ouw! a propos fernseh luege: ich freu mich voll ufs umstyling! das isch fasch s cooolste a de ganze staffle :))

so jezz gats wiiter! ich weiss jezz nüt me! sorrry ich schrib bald wieder!
liebdichso <33 

ich au gsundheitswuche !! :D

halllooooooo !! :D

heii mir hend hüt au 4Stund Lust und fruscht gha!! und mir hend das au alles übercho!! nume d postcharte nöd und d buebe scho!! naja defür hend bi eus d jungs:) ned so es cools böggslii überchoo !! :D isch wüklii na cool gsii und es isch mega schnell verbii gange !! allgemein sind die sache wo mer bis jetzt ii de gsundheitswuche gmacht hend na recht cool gsii !! okay zum wohl isch e chlii unnötig gsii abr naja... :D

ja ich schriieb der e postcharte !! us silvaplana odr österrich ?? in silvaplana mached mer denn eh e extra stund odr so wo mer charte schriebet !! :) natürlich nume wenn mer überhaupt chönd gahh !! d aline isch ja bis jetzt immer na chrank... mal luege ob s ihre denn wieder besser gaht. und suscht mached mer eus schönii feriä dihei und lueged dvd odr so uf jede fall werdet mer denn susch hald eifacht so abmache... :D

ER wird mir wüklii au immer unsympatischer... so wäääh eifach !! ach mann ich han mer am afang mal no denkt mir hend na echt netti type ii eusere klass naja denn sind scho es paar weggheit vo dere "liste" und jetzt isch namal eine meh uf de komischliste....... :D

haha und hüt hend mer au bewegen e. und v. biim lüthii ghaa !! das heisst du hesch die gliiche stunde gha wie iich hüt !! :D hahaha. geschter hend mer de ghw-cup gha das isch eigentlich au na cool gsii !!  und de skii irgendöpis bi de hardegger... es isch mega luschtiig gsii aber au total ahhstrengend.. irgendwie han ich denn aber au s gfühl gha dass ich vooll sport gmacht han und dadurch dass es ebe so spass gmacht het isch es eigentlich na mega luschtiig gsii !! bii de deca wärs nie so luschtiig gsii will 1. hettet mer nie so öppis gmacht und 2. het ich mich irgendwie bii ihre nie so ahgschtrengt will mer ja nie so öppis luschtiigs gmacht hetted... :D abr yoga isch bii ihre eigentlich na cool gsii.. okay das het nüt mit ihre ztue sondern wills eifacht yoga gsii isch... :D

also denn...
na e schönii wuche und bis bald !! han diich lieb knutschii !!
<3 <3


PS: so meerblau isch doch au so e gsundii farb odr niid ?? :D

gesundheitswoche ;)

huhu saralein!
ich han lang nüüt me gschiibe... hihii :)
jezz bini da!

passend zu de gsundheitswoche hani als schriftfarb grüen gno.
da isch no e gsundi farb oder?? :))
hüt hemmer 4h lang das lust und frust zügs ghaa... isch gar ned so schlimm gsii!
igendswie zum teil no spannend so wege aids und so...
mir hend gratiskondom im böxli becho hahaha :) mega cool!!
ich han so muskelkater vo dem scheiss fitchek das glaubsch ned :S 
ich chan nüme lache haha es tuet so weh...
aber defür hanis hinder mir! isch es guets gfüühl :P

schriibsch mer e portcharte us de ferie??? bitte!! denn schribi dir au eine :D
hahaha isch mer jezz grad so iigfalle... aja postcharte bechömeder au no bi lust und frust!!


mir wird ER imfall au immer unsympatischer.... wie chan er nur??!!!
au hüt hemmer so bewegung verstehen und eleben (bim lüthy.. haha han d andrina iivesüchtig gmacht :P) fertig gha und denn binii so zu de garderobe... denn isch so de flo (ohni brülle o.O) mit igendemne meitli ka zoe oder so gloffe und hett so gfunde: ich chume jezz mit oi id garderobe hahaha -.-
ia er isch wükli komisch!


so jezz weissi nüüt meee!
bisbaldkleines!!
kusss
<3 <3

weekend !! :D

heii knuutschii !! :D

sorry dass ich ersch jetzt zruggschrieb... irgendwie hend mer zwar nur na am mäntig und am ziistiig e prüefig gha abr es isch doch mega viel los gsii !! :D
haha de schiitag!! es isch so hammer gsii mit eu am schlittle. am schluss zwar e chlii chalt abr suscht isch super gsii !! euse chueche isch au na mega fein gsii !! :D

du miir isch grad uufgfalle, dass --> weiss zwar nöd warum abr ja... die uhrziit wo s immer bim blogg ahzeigt wird wänn du zum biespiel gschriebe hesch, dass die falsch isch. denn wenn du seisch ich gan mal go schlafe, denn staht dass du das so am 4ii am namii gschribe hesch... nd das macht ja kei sinn. naja isch mer grad so iigfalle.

ähm ja es isch scho e wuche her wo mer zeme im flughafe gsii sind... mega schnell vergange. es isch mega cool gsii !! de starbucks isch hald scho cool !! :D haha genau nüt usser esse han iich kauft. tja das isch immer so bi miir. au am samschtiig... dete bin ich mit de samantha im glatt gsii und abgseh vo mene hot dog han ich nüt gkauft... ;D

haha ja du am elei lache uf de rolltreppe !!:D haha so luschtiig!! ou weisch was ??!? ich han a miim mueterlii verzellt, dass mir so en coole radio gseh hend nd denn verzellt sie dass sich mis coole tantelii / gotelii so eine bschtellt het !! :d mega cool gäll?? haha nd ganz viel suschtigs wo mit dem ztue het het sie sich au für ihri neuii chuchii gkauft... aso neu nöd abr ja !! :D s tolle buech het sie abr glaub niid bstellt... :(

so jetzt muess ich ufhöre will ich muen zu stierlis ufe und zwar am halbii 3 und jetzt isch 1 vor halbii !! :D
aso denn ha diich lieb und e schöns weekend !! :D <3 <3