hallöööchen!
ich hoffe du hesch gmacht was ich im titel gschriibe han!!
du frögsch dich villicht und villicht au
ned au egal...
aso falls du dich jez frögsch wieso ich so spat no schriibe obwohl ich doch ersch grad vor 2 täg gschriibe han...
de grund:
iich chan igendswie sit gester nümm so guet iischlafe denn hani denkt: chum jezz gasch mal mit dim handy is internet und lisisch altii posts vo dir und de sara duure...
das hani denn gmacht und denn hani grad mega lust gha zum dir schriibe und denn hani denkt de sara machts sicher nüüt uus wenii ihre da no chlii schriibe.
(ich halte min vorsatz zimmli guet ii bis jez oder??)
wie isch es so im hotel?? isch es sehr komisch ach dummi frag es isch sicher meeegaaa komisch jezz wos nümm dinere familie ghört oder??
omg mini eltere hend im moment grad wieder sone happy-family-phase wos gfühl hend mir münd da jezz die ganz ziit igendwelchi sache mit ihne unternee... *aaugenverdrehen!!*
das isch mega astrengend... janu
aso morn isch ned so schlimm will d hele gaat mit mim papi is alpamare aber ich han gseit ich will ned mit und mis mami gaat dete sowieso ned gern ane... jezz gani halt mit minere mam is glatt go zmorge esse und denn go poste das gaat ia no isch gaar ned so schlimm! :))
uii hüüt han ich so en artikel glese / im magazin hahaha das isch sones heftli vom tagesazeiger... isch amel no echt spannend) über e frau wo voo bruef uus journalistin in kriegsgebiete isch... die hett es buech gschriibe das wüür ich mega gern mal lese aber es gits nur uf englisch... villich chanis ia denn igendswenn mal lese- uf all fäll isch das mega schlimm was i dem artikel so gstande isch so dass sie scho schusswaffe im nacke gha hett und so und kindersoldate in afrika und alles so schlimms züügs...
und denn isch dete so gstande dass die frau sich während somne ufenthalt bi somne chrieg innen maa verleibt hett und die sind denn zeme uf paris zoge und hend es chind bechoo... und nacher wo sie das chind gha hett isch so voll duredreit denn hett sie tonnewiis wasser und doseesse kauft und medikamente und so verbänd und so kauft und es naah glese wie mer schusswaffe verbindet oder so chugle usem körper useschniidet und so und hett siche notfallplän gmacht und baargeld versteckt und so falls in paris kreig chunnt... uf en art igendswie mega herzig aber au mega psychoomässig!
und ich mein das isch ia nume wege ihrem job. das isch ia mega gföhrlich i dene kriegsgebiet...
naja uf all fäll isch das buech sicher mega spannend....
sorry das ich dich da so zuetexte und ich hoffe es isch ned allzu langwilig für dich!
ich han mis zimmer uufgrumt... omg es isch nonie soo uugrumt gsii ich bin mega stolz druuf ahahaha :)
soo ich glaub ich sött langsam go schlaafe...
wünsch der no es paar schöni täg in österiich!
liebdich <333
natiii
Keine Kommentare:
Kommentar veröffentlichen